ٹریفک حادثات نے 2بچیوں سمیت 6افراد کی جان لےلی
کراچی (اسٹاف رپورٹر) ٹریفک حادثات نے 2 بچیوں سمیت 6افراد کی جان لے لی جبکہ دو بچوں اور خواتین سمیت 4افراد زخمی ہوگئے۔ تفصیلات کے مطابق محمود آباد پل پر تیز رفتارموٹر سائیکل بے قابو ہوکر گر گئی جس کے نتیجے میں 7سالہ مناہل دختر رفیق موقع پر چل بسی ، شیرشاہ گلبائی پل کے قریب موٹر سائیکل سوار نوجوان ارسلان جاں بحق ہوگیا متوفی گھاس منڈی کا رہائشی تھا۔ حب چوکی کےقریب گاڑی کی زد میں آکرنامعلوم شخص جاں بحق ہو گیا۔ پولیس نے کارروائی کے بعد لاش سرد خانے منتقل کردی ۔ فیڈرل بی انڈسٹریل ایریا راشد منہاس روڈ پر شاپنگ سینٹر کے سامنے گاڑی نے موٹر سائیکل کو ٹکر ماردی جس کے نتیجے میں مرد اور خاتون 2بچوں سمیت شدید زخمی ہو گئ جنہیں جناح اسپتال منتقل کیا گیا جہاں عامر زخموں کی تاب نہ لاتے دم توڑ گیا ۔ہل پارک کے قریب ٹریفک حادثے میں شیخ نسیم ہلاک ہوگیا ۔ ویٹا چورنگی کے قریب سڑک عبور کرنے والی کمسن بچی شبانہ گاڑی کی زد میں آکر جاںبحق جبکہ ماں زخمی ہو گئی۔
