عالمگیر ٹرسٹ کی جانب سے مہران ٹاوٴن میں ماڈل پارک کا سنگ بنیاد

کراچی)بزنس رپورٹر)عالمگیر ویلفیئر ٹرسٹ کی جانب سے کورنگی سیکٹر 6-A مہران ٹاوٴن میں ماڈل پارک کا سنگ بنیاد رکھا گیا۔کراچی ڈیولپمنٹ اتھارٹی کے ڈائریکٹر جنرل سمیع الدین صدیقی نے تختی کی نقاب کشائی کی اور درخت لگا کر ان کی آبیاری کی۔ڈی سی کورنگی قرة العین،ٹرسٹ کے چیئرمین چوہدری نثار احمد، جنرل سیکریٹری شمیم احمد چاندنہ ، شکیل دہلوی ، ریحان یاسین، نثار احمد اور مونس شکیل موجود تھے۔سمیع صدیقی نےکہا کہ ٹرسٹ کا پارک گود لینے کا اقدام بہت ہی خوش آئند ہے۔ڈپٹی کمشنر نے پودا لگایا اور اسے پانی دیا۔ ٹرسٹ کے ترجمان شکیل دہلوی نے ڈونرز حضرات سے اپیل کی کہ زیاد ہ سے زیادہ عطیات دے کراس پروجیکٹ کو جلد مکمل کرنے میں ٹرسٹ کی مدد کریں۔