پی ایس پی کے ٹارگٹ کلر کو حراست میں لے لیا گیا

کراچی(اسٹاف رپورٹر) حساس ادارے نے گلشن اقبال میں کارروائی کرتے ہوئے متحدہ سے پی ایس پی میں آنے والے ٹارگٹ کلر حارث عرف لالا کو حراست میں لے لیا گیا ہے۔ حارث پولیس اہلکار سمیت ایک درجن افراد کی ٹارگٹ کلنگ میں ملوث رہا ہے۔ تفتیش کے لئے نامعلوم مقام پر منتقل کردیا ہے۔ ذرائع کے مطابق حراست میں لیا گیا ٹارگٹ کلر حارث عرف لالا پہلے متحدہ بعدازاں پاک سرزمین پارٹی میں شمولیت کے بعد گلشن اقبال ٹاؤن کا عہدیدار تھا، ذرائع نے بتایا کہ ٹارگٹ کلر پولیس اہلکار ظاہر شاہ اور مقصود مسیح سمیت 12 افراد کی ٹارگٹ کلنگ میں ملوث ہے، تاہم حساس ادارے نے ٹارگٹ کلر کو مزید تفیش کے لئے نامعلوم مقام پر منتقل کردیا ہے۔