بھارت میں3 افراد کوریلوے اسٹیشن صاف کرنے کی سزا

ممبئی ( ایجنسیاں)ممبئی میں تین افراد کو کیکی چیلنج ڈانس پرتین دن تک ایک ریلوے سٹیشن کو صاف کرنے کی سزا سنا دی گئی۔ ویڈیو وائرل ہونے کے بعد تینوں کو پولیس نے گرفتار کر کے عدالت میں پیش کیا تھا۔کیکی چیلنج میں کینیڈین گلوکار ڈریک کے نئے سپر ہٹ گانے ان مائی فیلنگز پر چلتی گاڑی سے اتر کر سڑک پر گاڑی کے ساتھ چلتے چلتے ڈانس کرنا ہوتا ہے۔ اس دوران کئی حادثات بھی پیش آئے ہیں۔