سولجر بازار ۔ مویشی منڈی میں فائرنگ سے 2 پولیس اہلکار زخمی

کراچی (اسٹاف رپورٹر) مختلف علاقوں میں ملزمان کی فائرنگ سے 2پولیس اہلکار زخمی ہو گئے ۔تفصیلات کے مطابق سولجر بازار کے علاقے مچھلی مارکیٹ کے قریب ملزمان نے دوران ڈکیتی مزاحمت پر پولیس اہلکار 25سالہ اسد ولد محمد یوسف کوگولی مار کر زخمی کردیا ۔ سچل کے علاقے سپرہائی وے مویشی منڈی کے قریب ملزما ن نے فائرنگ کر کے 24سالہ محسن ولد رستم کو زخمی کردیا ،جسے فوری طور پر اسپتال منتقل کردیاگیا ۔پولیس نے بتایا کہ زخمی محسن ٹریفک پولیس میں تعینات ہے۔آئی جی سندھ نے ڈی آئی جی ایسٹ سے تفصیلی انکوائری رپورٹ طلب کرلی ہے۔