کرنٹ لگنے-چھت سے گر کر2 افراد جاں بحق

کراچی(اسٹاف رپورٹر)کرنٹ لگنے اور چھت سے گرکر 2افراد جاں بحق ہوگئے۔مہران ٹاؤن کے خالی پلاٹ سے ایک شخص کی لاش ملی۔تفصیلات کے مطابق ملیر کے علاقے میں واقع موبائل مارکیٹ میں کا م کے دوران کرنٹ لگنے سے 25سالہ شاہنواز ولد رمضان جاں بحق ہوگیا۔سچل کے علاقے بکھر گوٹھ میں زیر تعمیر عمارت پر کام کے دوران پاؤں پھسلنے سے23سالہ نوجوان گر کر جاں بحق ہوگئی۔کورنگی صنعتی ایریا کے علاقے مہران ٹاؤن میں واقع دارالعلوم کے قریب خالی پلاٹ سے ایک شخص کی لاش ملی۔ پولیس نے بتایا کہ متوفی کی عمر25سال کے قریب ہے۔ڈاکٹرز کا کہنا ہے کہ متوفی نشے کا عادی تھا اور وجہ موت طبعی ہے ۔