رینجرز کارروائیوں میں متحدہ لندن کے 2کارندوں سمیت 3ملزم گرفتار

کراچی (اسٹاف رپورٹر) رینجرز نے مختلف علاقوں میں کارروائی کرتے ہو ئے متحدہ لندن کے2کارندوں سمیت 3ملزمان کو گرفتار کرلیا جبکہ اندرون سندھ پانی چوری کیخلاف آپریشن میں13غیر قانونی کنکشن منقطع کر دیئے گئے۔ ترجمان رینجرز کے اعلامیے میں بتایا گیا کہ رینجرز نے خفیہ اطلاع پر لانڈھی اور رضویہ میں کارروائی کرکے اسٹریٹ کرائم سمیت دیگر جرائم میں ملوث ملزم عاصم اور زاہد حسین کو گرفتار کر لیا، جن کا تعلق متحدہ لندن گروپ سے ہے ۔ رینجرز نے رضویہ میں منشیات فروش نوید کو گرفتار کیا ہے۔ ترجمان نے مزید بتایا کہ رینجرز نے اندرون سندھ کے شہر قمبر اور شہداد کوٹ میں محکمہ آبپاشی کے ہمراہ پانی کی چوری کیخلاف کارروائی کرکے13غیر قانونی کنکشن منقطع کردیئے ہیں۔