مقابلوں میں5ملزم گرفتار-سرچ آپریشن کے دوران26مشتبہ زیر حراست

کراچی (اسٹاف رپورٹر)پولیس نے مختلف علاقوں میں مقابلوں کے بعد5ملزمان کو گرفتار کر لیاجبکہ سرچ آپریشن میں 26مشتبہ افراد کو حراست میں لے کراسلحہ، منشیات ودیگر سامان برآمد کرلیا۔ تفصیلات کے مطابق قصبہ کالونی ۔زمان ٹاون اور گلشن اقبال پولیس نے مقابلوں کے بعد لو ٹ مار میں ملوث مزمل شاہ ، فرمان وسیم ، سہیل اور ایرک مسیح کو گرفتار کر کے اسلحہ اور موٹر سائیکل برآمد کرلیں۔ پریڈی اورحیدری پولیس نے مختلف ہوٹلوں میں سرچ آپریشن کے دوران 26مشتبہ افراد کو حراست میں لے کر تھانے منتقل کردیا اسلحہ اور بڑی مقدار میں منشیات برآمد کرلی ۔سپر مارکیٹ سی ون ایریا سے 4ملزمان ارسلان، فیضان، ریحان، حسن عزیز کو گرفتار کر کے اسلحہ موٹرسائیکل اور منشیات برآمد کرلی گئی۔ لانڈھی سے 2اسٹریٹ کرمنل شہزاد اور عمران پکڑے گئے جبکہ منشیات فروش عاصم کو گرفتار کرلیاگیا ۔کورنگی صنعتی ایریا سے مخاطب اور کامران کو گرفتار کرکے منشیات اور موٹر سائیکل برآمد کرلی گئی۔ سعودآبادسے گٹکا مافیا کا کارندہ وسیم دھر لیا گیا۔ گارڈن پولیس نے جوئے کے اڈے سے3جواریوں خالد،اسماعیل اور اکبر کو گرفتار کرلیا۔