پاکستان بھر میں تیر اندازی کے مقابلے کل ہونگے

اسلام آباد(امت نیوز)پاکستان آرچری فیڈریشن کے زیراہتمام جشن آزادی کے سلسلے میں ملک بھر میں تیر اندازی کے مقابلے (کل)منگل کو کھیلے جائیں گے، پاکستان آرچری فیڈریشن کے سیکرٹری جنرل وصال محمد خان نے بتایاکہ جشن آزادی کے موقع پر آرچری کے مقابلے منعقد کروانے کے لئے تمام متعلقہ صوبائی اور ریجنل ایسوسی ایشنز کو ہدایت جاری کردی گئی ہیں اور مقابلے پشاور، لاہور، کراچی، کوئٹہ سمیت دوسرے شہروں میں منعقد ہونگے۔