ایشین جونیئر اسکواش انفرادی چیمپئن شپ کیلئے قومی ٹیم کا اعلان

اسلام آباد (امت نیوز) پاکستان اسکوائش فیڈریشن نے ایشین جونیئر انفرادی سکوائش چیمپیئن شپ کے لئے 6رکنی ٹیم کا اعلان کردیا ہے۔ پی ایس ایف کی جانب سے جاری کردہ تفصیلات کے مطابق ایونٹ کے لئے اعلان کردہ کھلاڑیوں میں عباس زیب، فرحان ہاشمی، حارث قاسم، اسداللہ، حمزہ خان اور اشب عرفان شامل ہیں، عباس زیب اور فرحان ہاشمی انڈر19حارث قاسم اور اسد اللہ انڈر 17 کیٹگریز کے مقابلوں میں صلاحیتوں کے جوہر دکھائیں گے۔