جامعہ کراچی میں ’’آزادی عمل کیساتھ‘‘ کے موضوع پر رنگا رنگ تقریب

کراچی (پ ر) جامعہ کراچی شعبہ فنون کے تحت یوم آزادی کی رنگا رنگ تقریب ہوئی ۔ ملی نغموں پرطلبہ جھوم اٹھے۔ فیکلٹی آف آرٹس کی لابی میں ‘‘آزادی عمل کیساتھ’’ کے موضوع پر ہونیوالے پروگرام میں شریک اساتذہ اورطلبہ کا کہنا تھا کہ تقریب کا مقصد نوجوانوں کو اس امرکی آگاہی دینا ہے کہ بحیثیت قوم پاکستان کی نوجوان نسل کو سوچ کی فکرسے آزاد ہوکر عملی اقدامات کی طرف بڑھنا چاہئیے۔ شرکا پروگرام کا کہنا تھا کہ ہمیں تمام اختلافات کو بالائے طاق رکھ کر وطن عزیز کے مفاد میں کام کرتے ہوئے ترقی اورخوشحالی کیلئے جدوجہد کرنا چاہئیے۔ تقریب میں پیش کئے جانے والے ملی نغموں نے طلبہ کا لہو گرما دیا۔ تقریب میں اساتذہ علاوہ دیگرصوبوں سے آنیوالے نوجوانوں اور طلبا و طالبات نے بڑی تعداد میں شرکت کی۔