سوئی سے بم برآمد- کوہلو اور سنجاوی میں 4مشتبہ افراد گرفتار

کوئٹہ (نمائندہ خصوصی)سوئی کے علاقے مسکنڑ نالہ میں سیکورٹی فورسز نے کاروائی کرکے دہشتگردی کا منصوبہ ناکام بناتے ہوئے 10 کلو وزنی بم برآمد کرلیا، ادھر کوہلو اور سنجاوی سے 4 مشتبہ افراد کو گرفتار کر لیا گیا۔ سیکورٹی ذرائع کے مطابق کچی کینال سے دوکلو میٹر فاصلے پر موجود مسکنڑ نالہ میں قانون نافذ کرنے والے ادارے نے حساس ادارے کی نشاندہی پر مشترکہ کاروائی کرتے ہوئے نالے میں موجود دس کلو وزنی بم برآمد کر کے ناکارہ بنادیا بعدازاں سیکورٹی فورسز نے پورے علاقے کو گھیرے میں لے کر ملزمان کی تلاش شروع کردی۔ علاوہ ازیں گزشتہ روز فرنٹیئر کور بلوچستان کی جانب سے آپریشن رد الفساد کے تحت بلوچستان کے مختلف علاقوں کوہلو، سنجاوی میں تخریب کاری کے منصوبوں کو ناکام بنا تے ہوئے چار مشتبہ افراد کو گرفتار کر کے ان کے قبضے سے 12.7ایم ایم گولے ، آر پی جی سیون دو عدد، ایل ایم جی تین عدد، کلاشنکوف اور گولہ بارود برآمد کرلیا۔