نواز شریف سے نعت خواں عبدالرزاق جامی کی ملاقات-فرمائش کرکے عارفانہ کلام بار بار سنا

چکوال(نمائندہ امت) معروف نعت خوان عبدالرزاق جامی نے جمعرات کے روز اڈیالہ جیل راولپنڈی میں سابق وزیراعظم میاں نواز شریف سے ملاقات کی اور دوپہر کا کھانا ان کے ہمراہ کھایا۔ عبدالرزاق جامی کا نام ملاقاتیوں کی فہرست میں شامل نہیں تھا میاں نواز شریف نے خصوصی طور پر عبدالرزاق جامی کو بلوایا۔ عبدالرزاق جامی میاں نواز شریف کیساتھ ایک گھنٹہ تک رہے اور دوپہر کا کھانا بھی اکٹھے کھایا۔ اس موقع پر عبدالرزاق جامی نے عارفانہ کلام سے میاں نواز شریف کو محظوظ کیا ۔میاں نواز شریف نے عبدالرزاق جامی سے فرمائش کرکے اپنے والد مرحوم میاں شریف کو سنایا جانے والا عارفانہ کلام بار بار سنا ۔