کورنگی میں فیکٹری گیٹ پر مزدور قتل

کراچی (اسٹاف رپورٹر) کورنگی میں فیکٹری کے گیٹ پرمزدور کو فائرنگ کر کے قتل کردیا گیا،بلال کالونی میں جنرل اسٹور سے ایک لاکھ روپے لوٹ لئے گئے ۔ تفصیلات کے مطابق زمان ٹاون سیکٹر 35/Aمیں کپڑے کی فیکٹری کے گیٹ پر ملزمان ایک مزدور مٹھوولد دایوکو گولی مارکر ہلاک کرکے فرار ہوگئے۔ پولیس کے مطابق مقتول کھانا کھاکر واپس آرہا تھا ایس ایچ او کے مطابق پولیس نے جائے وقوعہ سے 30بور پستولکی گولی کا ایک خول قبضے میں لے لیا ہے مقتول کی سیاسی ومذہبی وابستگی سامنے نہیں آسکی،تاہم پولیس قتل کے محرکات جاننے کیلئے مزید تفتیش کررہی ہے۔علاوہ ازیں کورنگی صنعتی ایریابلال کالونی میں موٹر سائیکل سوار ملزمان نے جنرل اسٹور پر دھاوا بول دیا اور اسٹور مالک ثاقب کو یر غمال بناکرایک لاکھ سے زائد رقم اور موبائل فون لوٹ کر فرار ہو گئے ملزمان نے فرار ہو تے وقت ہوائی فائرنگ کی جس سے علاقے میں خوف و ہراس پھیل گیا ، پولیس نے رپورٹ درج کر کے ملزمان کی تلاش شروع کردی ہے۔