بم افواہ پرامریکہ سمیت 5ممالک میں پروازوں کی ہنگامی لینڈنگ

فرینکفرٹ؍سنتیاگو (ایجنسیاں)بم کے خدشے پر چلی، پرو،ارجنٹینا اور یونان میں 9طیاروں نے ہنگامی لینڈنگ کی ۔جنوبی امریکا اور یونان سمیت کئی ممالک میں بم کی افواہ پر9پروازوں کی ہنگامی لینڈنگ کی اطلاعات موصول ہوئی ہیں۔ غیرملکی خبر رساں ادارے کے مطابق بم کے خدشے پر چلی، پرو، ارجنٹینا اور یونان میں 9طیاروں نے ہنگامی لینڈنگ کی، ، دریں اثنا مختلف ممالک میں افواہوں کی تحقیقات شروع کردی گئیں۔رپورٹس کے مطابق چار طیاروں کو پرو اور ارجنٹینا میں لینڈنگ کرنا پڑی، چاروں طیاروں کی تلاشی کے بعد کوئی بم برآمد نہ ہو سکا ، حکام کو بم موجود ہونے کی اطلاع ٹیلی فون پر دی گئی تھی۔ادھر بم کی اطلاع پر جرمن مسافر طیارے نے یونان میں ہنگامی لینڈنگ کی ہے۔ طیارہ جزیرہ کریٹ کے ہوائی اڈے پر بحفاظت اتار لیا گیا، طیارے میں سوار270مسافروں اور 11کریو ممبرز کو طیارے سے منتقل بھی کردیا گیا۔