ماجو یونیورسٹی کے داخلہ ٹیسٹ کل صبح 10 بجے کراچی – حیدرآباد میں ہونگے
کراچی (پ ر) محمد علی جناح یونیورسٹی کراچی کے اگلے ماہ سے شروع ہونے والے نئے سیمسٹر فال 2018 کا داخلہ ٹیسٹ کل اتوار 19 اگست کو صبح 10 بجے بیک وقت کراچی اور حیدرآباد میں ہونگے۔ کراچی میں یہ ٹیسٹ یونیورسٹی کے میں کیمپس واقع شارع فیصل میں جبکہ حیدرآباد میں لال قلعہ ریسٹورنٹ میں ہوگا۔ اگلے سیمسٹر کیلئے بیچلرز پروگرامز میں بی ایس، بائیوسائنسز، اکاؤنٹنگ اینڈ فنانس، کمپیوٹرسائنس اور سافٹ ویئر انجینئرنگ، بی بی اے کے علاوہ بی ای الیکٹریکل اور کمپیوٹر سسٹم انجینئرنگ جبکہ ماسٹرز ڈگری پروگرامز میں ایم ایس، بائیوٹیکنالوجی، بائیو انفارمیٹکس، سافٹ ویئر انجینئرنگ، کمپیوٹر سائنس، اکنامکس اینڈ فنانس، مینجمنٹ سائنس، پروجیکٹ مینجمنٹ اور الیکٹریکل انجینئرنگ کے علاوہ ایم بی اے اور ایم سی ایس میں داخلے ہونگے۔ ترجمان جامعہ کے مطابق آج شام تک داخلہ فارم جمع کرانے والے امیدوار ٹیسٹ میں شرکت کے اہل ہونگے۔
