ہالینڈ کی مصنوعات کے بائیکاٹ کی اپیل

کراچی(اسٹاف رپورٹر)جامع مسجد بزرٹہ لائن کے امام و خطیب نے شہریوں سے ہالینڈ کی مصنوعات کا مکمل بائیکاٹ کرنے کی اپیل کردی ۔ نماز جمعہ کے خطبے میں علامہ عبدالقادر عباسی نے کہا کہ ہالینڈ نے ایک بار پھر ہمارے پیارے آقا ؐ کی شان میں گستاخی کی ہے، امتحان لیا جارہا ہے کہ مسلمانوں میں عشق رسولؐ باقی ہے یا نہیں ‘ انہوں نے کہا ہمیں ہالینڈ کو سبق سکھانا ہے ، ہم سڑکوں پر جلاؤ گھیراؤ نہیں کریں گے اس سے ہالینڈ پر فرق نہیں پڑے گا بلکہ اپنے ہی ملک کامعاشی نقصان ہوگا۔انہوں نے کہا کہ چند سال قبل ڈنمارک میں بھی یہی حرکت کی گئی تھی جس کے بعد شہریوں نے ڈنمارک کی مصنوعات کا مکمل بائیکاٹ کیا تو ڈنمارک نے گھنٹے ٹیک دیے، ہم ہالینڈ کو بھی اسی طرح سبق سکھاسکتے ہیں ‘انہوں نے شہریوں سے اپیل کی کہ اولپلرز دودھ ، یونی لیور‘ کورنیٹو آئسکریم سمیت دیگر مصنوعات کا مکمل بائیکاٹ کریں ۔