کرنٹ لگنے سے خاتون اور بچے سمیت 3افراد جاں بحق

کراچی(اسٹاف رپورٹر) شہر کے مختلف علاقوں میں کرنٹ لگنے سے خاتون اور بچے سمیت 3افراد جاں بحق ہوگئے۔ پاپوش نگر کے علاقے ناظم آباد بڑا میدان کے قریب گھر میں کام کے دوران کرنٹ لگنے سے ایک خاتون بے ہوش ہو گئی جس کوفوری طور پر عباسی اسپتال لایا گیا جہاں پر ڈاکٹرز نے معائنے کےبعدموت کی تصدیق کردی ،پولیس نے بتایا کہ اسپتال میں متوفیہ کی شناخت 45سالہ صوبان خاتون زوجہ ساجد کے نام سے کی گئی اور ورثا بناءکارروائی کے لاش اپنے ہمراہ لے گئے ،جیکسن کے علاقے کیماڑی میں واقع پنجیری کمپاؤنڈ میں گھر میں کام کے دوران کرنٹ لگنے سے 24سالہ صمداللہ جاں بحق ہو گیا۔پیر آباد کے علاقے قصبہ کالونی ڈھائی نمبر میں واقع شاداب بیکری کے قریب گھر میں کرنٹ لگنے سے 13سالہ آزاد جاں بحق ہوگیا۔