وزیر اعظم کو جلسہ موڈ تبدیل کرنا ہو گا- وزیر اعلیٰ سندھ

لاڑکانہ (نمائندہ امت) نئے وزیراعظم کی جانب سے دو گاڑیاں رکھنے اور وزیراعظم ہاؤس میں نہ رہنے کی باتیں سننے میں اچھی ہیں، عمران خان کو جلسہ موڈ تبدیل کر کے وزیراعظم اور سیاسی موڈ میں آنا ہوگا۔ دوبارہ وزیراعلیٰ منتخب ہونے کے بعد پہلی بار گڑھی خدا بخش بھٹو پہنچنے پر سید مراد علی شاہ نے گفتگو کرتے ہوئے کہا کہ عمران خان کی 91 منٹ کی تقریر میں این ایف سی ایوارڈ کا ذکر تھا، نہ سی پیک کا ذکر تھا، اور پانی کی تقسیم سمیت اہم موضوعات بھی تقریر کا حصہ نہ تھے، جنرل ضیاءالحق اور مشرف نے بھی قوم سے خطاب میں بڑی بڑی باتیں کی تھیں اور اسی طرح خان کی تقریر میں اچھی باتیں سننے کو ملیں اب عمران خان عمل بھی کرکے دکھائیں، عمران خان کا دو ملازمین رکھنے کا اعلان اچھی بات ہے مگر وزیراعظم سے سوال ہے کہ وہ دو ملازمین کے علاوہ وزیراعظم ہاؤس کے باقی ملازمین کو فارغ کردینگے؟