نیو کراچی میں پانی کی عدم فراہمی پر مکین سڑک پر نکل آئے

کراچی(اسٹاف رپورٹر)نیوکراچی میں پانی کی عدم فراہمی پر علاقہ مکینوں نےسڑک پر نکل روڈ بند کردیا، جس کی وجہ سے بدترین ٹریفک جام ہوگیا۔ تفصیلات کے مطابق نیوکراچی میں قلت آب پر شہریوں نے پاور ہائوس چورنگی کے سامنے سڑک پر رکاوٹیں کھڑی کرکے ٹریفک کو معطل کردیا، جس سے گاڑیوں کی لمبی قطاریں لگ گئیں۔ مظاہرین کا کہنا تھاکہ عید سر پر ہے ، لیکن علاقے میں پانی فراہم نہیں کیا جارہا ہے۔پانی بحران اگر ہو تو ہائیڈرنٹ کو پانی کی فراہمی کیسے کی جارہی ہے۔ان کا کہنا تھا کہ عید پر گھروں میں پانی کی بہت ضرورت ہوتی ہے۔ علاقہ مکین مہنگے داموں پانی کے ٹینکر خریدنے پر مجبور ہیں۔ احتجاج کی اطلاع پر پولیس موقع پر پہنچ گئی اور مظاہرین سے مذاکرات کرکے انہیں پرامن طور پر منتشر کردیا۔