گرانٹ ایلیٹ کاہر طرزکی کرکٹ سے ریٹائرمنٹ کا اعلان

ولنگٹن (امت نیوز)سابق نیوزی لینڈ آل رائونڈر گرانٹ ایلیٹ نے تمام طرز کی کرکٹ سے ریٹائرمنٹ کا اعلان کردیا ہے۔آل رائونڈر کا یہ اعلان گزشتہ روزسوشل میڈیا ایپ انسٹاگرام پر سامنے آیا ٗ انہوں نے 5 ٹیسٹ، 83 ون ڈے اور 17 انٹرنیشنل ٹی20 میچوں میں نیوزی لینڈ کی نمائندگی کی تھی۔نیوزی لینڈ کو پہلی بار ورلڈ کپ کے فائنل میں پہنچانے والے آل رائونڈر ایلیٹ کا کہناہے کہ میں نے جوہانسبرگ سے کیریئر کا آغاز کیا اور برمنگھم میں اختتام، 12سال کی عمر میں اپنے کیریئر کے اہداف متعین کیے تھے کہ میں ورلڈ کپ، انٹرنیشنل کرکٹ اور کائونٹی کھیلوں ۔2016 میں ون ڈے کرکٹ سے ریٹائرمنٹ لینے والے 39سالہ ایلیٹ نے گزشتہ سال انٹرنیشنل کرکٹ سے ریٹائر ہونے کے بعد کولپاک ڈیل پر دستخط کر دیے تھے ۔