پنجاب کابینہ آج حلف اٹھائیگی۔20 وزرا،5 مشیرشامل ہونگے

لاہور/ اسلام آباد(امت نیوز/ ایجنسیاں)پنجاب کابینہ آج حلف اٹھائے گی۔وزیر اعلیٰ کے دفتر کے ترجمان کے مطابق کابینہ میں 20 وزرا اور5 مشیر شامل ہونگے ۔قبل ازیں وزیراعظم عمران خان سے وزیراعلیٰ پنجاب عثمان بزدار نے وزیراعظم ہاوٴس میں ملاقات کی جس میں پنجاب کابینہ پر مشاورت کی گئی، ذرائع کے مطابق ڈاکٹر یاسمین راشد کو وزارت صحت دینے کی منظوری دی گئی جبکہ میاں محمودالرشید کو وزیر ہاوٴسنگ اور سی اینڈ ڈبلیو، علیم خان کو وزیر بلدیات، سبطین خان کو وزیر زراعت ، سمیع اللہ کوچیف وہب ، ہاشم بخت کو وزیر تعلیم،حسنین دریشک کو وزیر خزانہ،اسلم اقبال کو وزیر اطلاعات، راجابشارت کو وزیر پارلیمانی امور ، جہانزیب کچھی کو وزیرلائیو اسٹاک ،راجا یاسر کو ہائر ایجوکیشن کا وزیر بنائے جانے کا امکان ہے جبکہ سینئر وزیر کا فیصلہ وزیراعظم عمران خان کریں گے۔