ایران میں بوائلر پھٹنے سے 3 عمارتیں منہدم-10 افراد ہلاک

تہران(امت نیوز) ایران میں بوائلر پھٹنے سے 3 عمارتیں منہدم ہوگئیں، جس کے نتیجے میں 10 افراد ہلاک ہوگئے- واقعہ شمال مشرقی شہر مشہد میں پیش آیا، جہاں گیس ذخیرہ گاہ میں نصب بوائلر زور دار دھماکے سے پھٹ گیا دھماکہ اس قدر شدید تھا کہ اس سے قریب واقع3 عمارتیں بھی منہدم ہوگئیں ،جس سے 10 افراد ہلاک و متعدد زخمی ہوگئے، جبکہ دیگر قریبی عمارتوں کے شیشے ٹوٹ گئے۔ دھماکے کے بعد آگ لگ گئی، جس پر قابو پانے کیلئے50فائر فائٹرز موقع پر پہنچ گئے۔ صوبہ خراسان کے حکام نے ہلاکتوں میں اضافے کا خدشہ ظاہر کیا ہے۔