ناران میں سیاحوں کی کارپولیس چوکی پر چڑھ دوڑی-اہلکار جا ں بحق
مانسہرہ (نمائندہ امت)مانسہرہ ناران ،سیاحوں کی کار بے قابوہوکر گٹی ڈاس پولیس چیک پوسٹ پر چڑھ گئی۔چیک پوسٹ میں موجود ایک پولیس اہلکار شہید دوسرا زخمی ہو گیا ۔ چاروں سیاحوں کو گرفتار کرلیا گیا۔ شہید پولیس اہلکارکو پورے پولیس اعزاز کے ساتھ آبائی قبرستان میں سپردخاک کر دیا گیا۔ پہلے نماز جنازہ پولیس لائن پھر جبڑی محلہ میں ادا کی گئی ۔نماز جنازہ میں پولیس افسران اور سیاسی و سماجی شخصیات کی شرکت ۔ اس حوالے سے پولیس کے مطابق ناران میں جھل کھڈ روڈ پر سیاحوں کی حفاظت کے لیے قائم پولیس چیک پوسٹ پر سیاحوں کی تیز رفتار کار چڑھ گئی جس سے ایک پولیس کمانڈواہلکاریاسر موقع پر جاں بحق ہو گیا جبکہ گل خان نامی پولیس اہلکار شدید زخمی ہو گیا جس کو فوری ہسپتال منتقل کر دیا گیا پولیس نے کار میں سوار چاروں سیاحوں کو حراست میں لے لیا ۔جن کے خلاف مقدمہ درج کیا جائے گا شہید پولیس اہلکار کی نماز جنازہ پہلے پولیس لائن میں ادا کی گئی جس میں پولیس افسران نے شرکت کی بعد ازاں آبائی علاقہ محلہ جبڑی میں نماز جنازہ ادا کی جس میں سیاسی و سماجی شخصیات نے شرکت کی ۔
