ویمنز کبڈی ایونٹس میں پاکستان نے کانسی کا تمغہ حاصل کیا

جکارتہ(امت نیوز) ایران نے اٹھارہویں ایشین گیمز مینز اینڈ ویمنز کبڈی ٹورنامنٹس میں طلائی تمغے جیت لئے، پاکستان نے کانسی کا تمغہ حاصل کیا۔ تفصیلات کے مطابق انڈونیشیا میں جاری میگا گیمز میں مینز کبڈی ایونٹ کے فائنل میں ایران نے شاندار کھیل پیش کرتے ہوئے جنوبی کوریا کو 16 کے مقابلے میں 26 پوائنٹس سے ہرا کر طلائی تمغہ جیتنے کا اعزاز حاصل کیا، پاکستان اور بھارت کی ٹیموں نے کانسی کے تمغے جیتے، دوسری جانب ویمنز کبڈی ٹورنامنٹ کے فائنل میں ایران ویمن ٹیم نے عمدہ کارکردگی کا مظاہرہ کرتے ہوئے بھارت ویمن کو زبردست مقابلے کے بعد 27-24 پوائنٹس سے زیر کر کے طلائی تمغہ اپنے نام کیا۔