حاجیوں کی وطن واپسی کیلئے حج پروازیں آج سے شروع ہوں گی

لاہور(خبر ایجنسیاں) حاجیوں کو وطن واپس لانے کیلئے حج پروازوں کا سلسلہ آج( پیر) سے شروع ہو گا اور پہلی پرواز 327 حجاج کرام کو لیکر اسلام آباد پہنچے گی۔ ترجمان محکمہ مذہبی امور کے مطابق سعودی عرب سے ایک لاکھ 84ہزار حجاج کرام کو واپس لانے کیلئے فضائی آپریشن 25 ستمبر تک مکمل ہو جائے گا۔آج مجموعی طور پر 950 حجاج کرام 4 مختلف پروازوں کے ذریعے اسلام آباد اور پشاور پہنچیں گے۔