اے ایف سی انڈر 19 چیمپئن شپ کیلئے ٹرائلز آج شروع ہوں گے

راولپنڈی(امت نیوز) اے ایف سی انڈر 19 چیمپئن شپ، قومی انڈر 19 ٹیم کے چنائو کیلئے ٹرائلز (آج) پیر سے شروع ہوں گے۔ پی سی بی کی طرف سے جاری کردہ تفصیلات کے مطابق اے ایف سی انڈر 19 چیمپئن شپ 18 اکتوبر سے 4 نومبر تک بنگلہ دیش میں ہو گی۔ میگا ایونٹ کیلئے ریجنل انڈر 19 کرکٹ ٹورنامنٹ میں کارکردگی دکھانے والے 42 کھلاڑیوں کو شارٹ لسٹ کیا گیا اور ان کے چار روزہ ٹرائلز (آج) پیر سے شروع ہوں گے۔ شارٹ لسٹ کھلاڑیوں میں 13 بیٹسمین، 13 فاسٹ بائولر، 9 آل رائونڈر اور 7 سپنر شامل ہیں۔ بلے بازوں میں صائم ایوب، جہانزیب سلطان، اوبیس اللہ (کراچی ریجن)، ایم محسن، ایم حارث (پشاور ریجن)، غلام مصطفیٰ، ابتسام الحق (لاہور ریجن)، حیدر علی (راولپنڈی)، اویس ظفر (فیصل آباد ریجن)، محسن رضا (سیالکوٹ ریجن) ودیگر شامل ہیں۔