قائد اعظم ٹرافی کے نئے سیزن کا یکم ستمبر سے آغازہوگا

راولپنڈی(امت نیوز)پاکستان کرکٹ کے سب سے بڑے ڈومیسٹک ٹورنامنٹ قائد اعظم ٹرافی کے19-2018کا آغاز یکم ستمبر سے ہوگا جس میں سوئی ناردرن گیس پائپ لائن اپنے اعزاز کا دفاع کرے گی۔ میڈیا رپورٹ کے مطابق قائد اعظم ٹرافی میں ریجنل اور ڈیپارٹمنٹل ٹیمیں حصہ لیں گی جنہیں دو گروپوں میں تقسیم کیا گیا ہے۔گروپ اے میں اسلام آباد ریجن، لاہور ریجن وائٹس، سوئی ناردرن گیس پائپ لائن، فاٹا ریجن، نیشنل بینک، حبیب بینک، پشاور ریجن اور خان ریسرچ لیبارٹریز (کے آر ایل) شامل ہیں۔گروپ بی میں راولپنڈی ریجن، ملتان ریجن، پاکستان ٹیلی ویژن(پی ٹی وی)، سوئی سدرن گیس، لاہور ریجن بلوز، زرعی ترقیاتی بینک، کراچی ریجن وائٹس اور واپڈا شامل ہیں۔ٹورنامنٹ کے افتتاحی روز ملک کے مختلف گراوٴنڈز میں آٹھ میچ شروع ہوں گے۔