خیر پور میں پی پی رہنما کے گھر ڈاکوؤں کا دھاوا- 2جاں بحق
خیر پور (نمائندہ اُمت) خیرپور کے کچے کے تھانہ فیض محمد بھنڈو کی حدود گاؤں پکا الرا میں پیر اور منگل کی درمیانی شب 10سے زائد ڈاکوؤں نے پی پی رہنما صدرالدین بھٹو کی اوطاق پر حملہ کرکے فائرنگ شروع کردی ،جس کے نتیجے میں اوطاق پر موجود فیاض حسین بھٹو ولد امام بخش بھٹو اور غلام سرور ولد محراب بھٹو موقع پر جاں بحق ،جبکہ 2 افراد راشد ولد دادمحمد بھٹواور غلام مصطفی ولد علی بخش بھٹو زخمی ہو گئے۔ مسلح افراد کارروائی کے بعد بآسانی فرار ہوگئے ۔اطلاع ملنے پریالو اور فیض محمد بھنڈو پولیس نے علاقے میں پہنچ کر لاشیں اور زخمیوں کو مقامی اسپتال منتقل کیا ۔
