لاڑکانہ کے کچے میں آپریشن کے دوران 4 خطرناک اشتہاری گرفتار

لاڑکانہ (نمائندہ امت) لاڑکانہ پولیس نے کچے کے علاقے میں سرچ آپریشن کے دوران کامیاب کارروائی کرتے ہوئے قتل سمیت دیگر سنگین مقدمات میں ملوث 4 اشتہاری ملزمان کو گرفتار کرلیا، ایس ایس پی لاڑکانہ شبیر سیٹھار کے مطابق گرفتار ملزمان شکارپور ضلع کے تھانوں لکھی غلام شاہ اور گاہیجہ سمیت مختلف تھانوں پر اشتہاری اور پولیس کو مطلوب تھے، گرفتار ملزمان میں حاکم تڑت، امان اللہ تڑت، مٹھل تڑت، یاسین تڑت شامل ہیں، انہوں نے کہا کہ گرفتار ملزمان سے مزید تحقیقات کا سلسلہ جاری ہے، ایس ایس پی لاڑکانہ شبیر احمد سیٹھار نے بہترین کارکردگی پر پولیس ٹیم کو تعریفی اسناد دینے کہ احکامات جاری کردیئے۔