سپر ہائی وے- کورنگی میں2 افرادکو تیز رفتار گاڑیوں نے کچل دیا

کراچی (اسٹاف رپورٹر) سائٹ سپر ہائی وے اور کورنگی میں تیز رفتار گاڑیوں کی زد میں آکر2 افراد جاں بحق ہوگئے۔ تفصیلات کے مطابق سائٹ سپر ہائی وے کے علاقے نیو سبزی منڈی کے قریب سڑک عبور کرنے والا شخص نامعلوم تیز رفتار گاڑی کی زد میں آکر جاں بحق ہو گیا، جس کی لاش عباسی اسپتال لائی گئی۔ پولیس نے بتایا کہ اسپتال میں متوفی کی شناخت 35سالہ اسلم ولد غازی کے نام سے ہوئی ہے، جو اسی علاقے کا رہائشی تھا۔ زمان ٹاؤن کے علاقے کورنگی ڈھائی پر تیز رفتار گاڑی کی زد میں آکر33سالہ نا معلوم شخص شدید زخمی ہو گیا، جو جناح اسپتال میں چل بسا۔