اینڈی مرے یو ایس اوپن ٹینس ٹورنامنٹ سے باہرہوگئے

نیویارک (امت نیوز)تین بار کے گرینڈ سلیم چمپئن برطانیہ کے اینڈی مرے یو ایس اوپن ٹینس ٹورنامنٹ سے باہر ہوگئے، انہیں اسپین کے فرنینڈو ورڈیسکو نے دوسرے رائونڈ میں شکست دی۔نیویارک میں کھیلے جانے والے یوایس اوپن میں فرنینڈو ورڈیسکو نے اینڈی مرے کو سات پانچ ، دو چھ، چھ چار اور چھ چار سے ہرا کر ان کا گرینڈ سلیم کا سفر ختم کر دیا۔14 ماہ بعد گرینڈ سلیم کھیلنے والے اینڈی مرے اور فرنینڈو ورڈیسکو کے درمیان مقابلہ 3 گھنٹے 23 منٹ جاری رہا۔