پیٹرولیم قیمتوں میں 6.37ر وپے لیٹر تک کمی

اسلام آباد(مانیٹرنگ ڈیسک)وفاقی حکومت نے پیٹرولیم مصنوعات کی قیمتوں میں 6روپے37پیسے فی لیٹر تک کمی کردی ہے۔وزارت خزانہ کے مطابق پیٹرول کی قیمت میں دو روپے 41 پیسے فی لیٹر کمی کی گئی ہے جس کے بعد اس کی قیمت 92 روپے 83 پیسے ہوگئی ہے۔ ہائی اسپیڈ ڈیزل کی قیمت میں 6 روپے 37 پیسے فی لیٹر کمی کی گئی ہے جس کے بعد اس کی قیمت 106 روپے 57 پیسے ہوگئی۔اسی طرح مٹی کے تیل کی قیمت میں بھی 46 پیسے کی کمی کی گئی ہے اور اب یہ 83 روپے 50 پیسے فی لیٹر میں دستیاب ہے۔تاہم لائٹ ڈیزل کی قیمت میں 59 پیسے اضافہ کیا گیا ہے اور اس کی نئی قیمت 75 روپے 96 پیسے ہوگئی۔پیٹرولیم مصنوعات کی نئی قیمتوں کا اطلاق آج رات 12 بجے سے ہوگیا ہے۔