پنجاب میں 4اعشاریہ 3شدت کا زلزلہ
لاہور(مانیٹرنگ ڈیسک)لاہور سمیت پنجاب کے کئی شہروں میں زلزے کے جھٹکے محسوس کیے گئے۔فیصل آباد، پاکپتن، حافظ آباد، چنیوٹ، قصور، ٹوبہ ٹیک سنگھ، خانیوال اور ملتان سمیت کئی شہروں میں زلزلے کے شدید جھٹکے محسوس کیے گئے۔زلزلے کے جھٹکے اس قدر شدید تھے کہ لوگ خوف زدہ ہوکر گھروں سے باہر نکل آئے اور کلمہ طیبہ کا ورد شروع کردیا۔زلزلہ پیما مرکز کے مطابق زلزلے کی شدت 4.3ریکارڈ کی گئی جبکہ زلزلے کے گہرائی 10کلومیٹر اور مرکز ننکانہ صاحب سے 30کلومیٹر دور تھا۔
