پاک بحریہ کے جہاز پی این ایس اصلت نے جدہ بندرگاہ کا دورہ کیا

اسلام آباد (مانیٹرنگ ڈیسک) پاک بحریہ کے جہاز پی این ایس اصلت نے سعودی عرب کی بندرگاہ جدہ کا دورہ کیا۔ پاک بحریہ کے وفد نے رائل سعودی نیول فورسز کی اعلیٰ قیادت سے ملاقاتیں کی۔ رائل سعودی نیول فورسز کے تربیتی اسکول میں پاک بحریہ اور رائل سعودی نیول فورسز کے درمیان مختلف مشترکہ مشقوں کا انعقاد بھی کیا گیا۔ ترجمان کا کہنا ہے کہ مختلف ممالک کے سفیروں، مقامی اہم شخصیات اور رائل سعودی نیول فورسز کےافسران نے پی این ایس اصلت کا دورہ کیا۔ پاکستانی نیول شپ کا یہ دورہ دونوں برادر ممالک کے تعلقات میں مزید مضبوطی کا باعث بنے گا۔