حضرت عبداللہ شاہ غازی کا عرس شروع-سیکورٹی کے خصوصی انتظامات

کراچی(خبر ایجنسیاں) حضرت عبداللہ شاہ غازی کے 1288 ویں عرس کی تقریبات کا آغاز ہوگیا۔ سیکریٹری مذہبی امور ریاض حسین نے 3 روزہ تقریبات کا افتتاح کیا۔ سالانہ عرس کے موقع پر زائرین کی بڑی تعداد حاضری کیلئے آتے ہیں۔ جن کی سہولت کیلئے مکمل انتظامات کئے گئے ہیں، سیکورٹی کا خاص بندوبست کیا گیا ہے اور سی سی ٹی وی کیمروں کے ساتھ واک تھرو گیٹ بھی لگائے گئے ہیں، مزار کی اصل جگہ کے علاوہ تمام نقشہ تبدیل کردیا گیا ہے۔ تزئین و آرائش کا کام آخری مراحل میں ہے، جبکہ معذور افراد کیلئے لفٹ بھی لگائی جارہی ہے۔