یو ایس اوپن ٹینس ویمنز سنگلز پری کوارٹر فائنلز

نیویارک(امت نیوز)دفاعی چیمپئن سیلونی سٹیفنز، سرینا ولیمز، ایلینا سویتولینا، سیواستووا کیرولینا پلسکووا، کایا کنیپی اور ایشلے بارٹی پیش قدمی برقرار رکھتے ہوئے سال کے چوتھے اور آخری گرینڈ سلام ٹینس ٹورنامنٹ ویمنز سنگلز پری کوارٹر فائنل میں داخل ہو گئیں۔ امریکہ میں جاری میگا ایونٹ میں کھیلے گئے ویمنز سنگلز تیسرے رائونڈ میچز میں دفاعی چیمپئن اور امریکن کھلاڑی سیلونی سٹیفنز نے بیلاروس کی وکٹوریہ آزارینکا کو 6-3 اور 6-4 سے ہرا کر پری کوارٹر فائنل تک رسائی حاصل کی، شہرہ آفاق امریکن سٹار اور 23 مرتبہ کے گرینڈ سلام چیمپئن سرینا ولیمز نے اپنی بہن وینس ولیمز کو ہرا کر ایونٹ سے باہر کر دیا۔