مبینہ مقابلے کے بعد ملزم زخمی حالت میں گرفتار- اسلحہ برآمد

کراچی (اسٹاف رپورٹر) محمودآباد پولیس نے مبینہ مقابلے کے بعد ایک ملزم کو زخمی حالت میں گرفتار کر کے اسلحہ اور مسروقہ سامان برآمد کر لیا۔ تفصیلات کے مطابق محمودآباد کے علاقے چنیسر گوٹھ میں پولیس نے مبینہ مقابلے کے بعد ایک ملزم کو زخمی حالت میں گرفتار کر کے ایک ٹی ٹی پستول ، نقدی ، چھینا گیا موبائل فون اور موٹرسائیکل برآمد کرلی۔ زخمی ہونے والے ملزم کو طبی امداد کے لیے جناح اسپتال منتقل کیا گیا جہاں اس کی شناخت باقر حسین ولد شبیر حسین کے نام سے کی گئی ، پولیس کا کہنا ہے کہ ملزم کو رنگے ہاتھوں مقابلے کے بعد گرفتار کیا گیا ہے ، ملزم سے علاج معالجے کے بعد تفتیش کا آغاز کیا جائے گا۔