اردو یونیورسٹی عبدالحق کیمپس میں جمعیت کا کیمپ اکھاڑ دیا گیا

کراچی(اسٹاف رپورٹر)وفاقی اردو یونیورسٹی عبدالحق کیمپس میں اسلامی جمعیت طلبہ کا خون عطیات کے حوالے سے لگایا گیا کیمپ اکھاڑ دیا گیا۔ترجمان جمعیت جامعہ اردو کے مطابق خون عطیات جمع کرنے کیلئے 2 روزہ کیمپ لگایا گیا تھا، جسے ایک روز بعد رات کو مبینہ طور پر کیمپس آفیسر کے حکم پر ہٹا دیا گیا۔ترجمان کے مطابق جمعیت نے کیمپ کے لیے رجسٹرار افضال احمد سے اجازت لی تھی، تاہم اس کے باوجود کیمپ اکھاڑ دیا گیا۔ترجمان جمعیت کا مزید کہنا تھا کے پہلے روز کیمپ کے اختتام پر اسے صحیح انداز میں چھوڑ کر گئے تھے، لیکن رات کی تاریکی میں رسیاں کاٹ کر کیمپ گرا دیا گیا۔ترجمان نے وائس چانسلر سے مطالبہ کیا ہے کہ اس معاملے کا نوٹس لیکر ذمہ داران کے خلاف کارروائی کی جائے۔