عارف علوی کے والد نہرو کے دندان ساز رہے

اسلام آباد(مانیٹرنگ ڈیسک) ملک کے تیرہویں صدر کی حیثیت سے منتخب ہونے والے پاکستان تحریک انصاف (پی ٹی آئی) کے رہنما ڈاکٹر عارف علوی پیشے کے لحاظ سے دندان ساز (ڈینٹسٹ) ہیں، یہ بات ہر کوئی جانتا ہے، لیکن یہ بات شاید ہی کسی کو معلوم ہو کہ ان کے والد بھارت کے پہلے وزیراعظم جواہر لعل نہرو کے دانتوں کا علاج کیا کرتے تھے۔ ان کے خاندان کے پاس نہرو کی جانب سے لکھے گئے خطوط بھی موجود ہیں۔