نشے میں دھت علی سلیم کو چھاپے میں مداخلت پر گرفتار کیاگیا

کراچی (اسٹاف رپورٹر) اداکار علی سلیم المعروف بیگم نوازش علی کی گرفتاری کے حوالے سے کراچی پولیس نے تفصیلی رپورٹ جاری کردی۔ ایس ایس پی ساؤتھ کے مطابق 4اور 5ستمبر کی درمیانی رات ایس ایچ او کلفٹن نے خفیہ اطلاع پر توحید کمرشل اسٹریٹ کے گیسٹ ہاؤس پر کم عمر لڑکے کو اس کی مرضی کے خلاف رکھے جانے کی اطلاع پر چھاپہ مارا تھا، گیسٹ ہاؤس کی تلاشی کے دوران اداکار علی سلیم نے پولیس کے ساتھ بدسلوکی، کار سرکار میں مداخلت اور بدحواس ہوکر جارحانہ انداز میں پولیس کو مغلظات بکیں اور نشے میں دھت اداکار علی سلیم نے پولیس پارٹی پر حملہ کیا جس سے پورے علاقے میں ماحول کشیدہ ہوگیا، پولیس نے کارروائی کے دوران کم عمر لڑکے کو بازیاب کرکے 4 افراد کو گرفتار کرلیا، تاہم کارروائی میں مداخلت کے الزام میں علی سلیم اورگیسٹ ہاؤس منیجر کو گرفتار کیاگیا، جب کہ علی سلیم کے کمرے سے شراب کی بوتلیں برآمد کیں۔