مختلف علاقوں میں ڈکیتی مزاحمت پر 5 افراد زخمی
کراچی(اسٹاف رپورٹر) مختلف علاقوں میں ڈکیتی مزاحمت پر 5 افراد زخمی ہوگئے۔ پریڈی کے علاقے فرئیر روڈ سجاول ہوٹل کے قریب مسلح ملزمان نے دوران ڈکیتی مزاحمت پر 30سالہ پربھاکر ولد دیا لعل، بھنگوریہ گوٹھ میں 40سالہ عظیم ولدمحمد رضا، مچھر کالونی میں 25سالہ سمیر اللہ ولد حمید اللہ، گڈاپ سٹی کے علاقے ٹول پلازہ کے قریب منظور جبکہ قائد آباد مرغی خانہ اسٹاپ کے قریب ملزمان نے دوران ڈکیتی مزاحمت پر 40سالہ تنویر احمد ولد عبدالعزیز کو گولی مار کر زخمی کردیا ۔
