ایشیا کپ میں کسی ٹیم کو کمزور نہیں سمجھیں گے۔ شعیب ملک

لاہور (امت نیوز) شعیب ملک کا کہنا ہے کہ ایشیا کپ میں کسی ٹیم کو کمزور سمجھنے کی غلطی نہیں کرسکتے، جبکہ ٹیم کو اپنا بہترین کھیل پیش کرنا ہوگا۔ لاہور میں میڈیا سے گفتگو میں آل راؤنڈر شعیب ملک کا کہنا تھا کہ بھارت کے خلاف میچ میں اضافی دباؤ نہیں لینا چاہیے، روایتی حریفوں میں ایک بڑا میچ ضرور ہوتا ہے، پوری دنیا کے شائقین بڑی دلچسپی سے میچ دیکھتے ہیں لیکن میرا ساتھی کھلاڑیوں کو بھی مشورہ ہے کہ اس کو ایک عام مقابلے کی طرح لیتے ہوئے اپنے نیچرل کھیل کا مظاہرہ کریں، بہتر کھیلیں گے تو کامیابی حاصل ہوگی۔ انہوں نے کہا کہ پاک بھارت میچ میں جو پرفارم کرتا ہے ہیرو بن جاتا ہے۔ انہوںنے کہاکہ سینئر کھلاڑی پر زیادہ پریشر ہوتا ہے ،عمران خان خود ایک ایتھلیٹ ہیں ،عمران خان کو مشکل حالات سے نمٹنا آتا ہے ،اللہ تعالی کے علاوہ کوئی انسان آپ کو عزت نہیں دے سکتا ۔