گلشن اقبال ودیگر علاقوں کے مکین 4 روز کی نمازیں لوٹائیں -مولانا شبیر عثمانی

کراچی ( اسٹاف رپورٹر)واٹر بورڈ کے ٹینک میں 4 روزقبل کتا گرنے سے پانی ناپاک ہوگیا،جس کی وجہ سے کئی علاقوں کے مکین نمازیں لوٹائیں گے ۔اس حوالے سے جامعہ علوم القرآن والسنہ کے مہتمم مولانا شبیر احمد عثمانی کا کہنا ہے کہ اگر ٹینک کے اندر3 سے 4 روز پرانا مردہ کتا پایا گیا تو اس صورت میں ٹینک خالی کیا جائے گا۔اور جہاں جہاں تک اس پانی کو استعمال کیا گیا ہے ،وہاں کے مکین 3 سے 4روز کی نمازیں لوٹائیں گے ۔واضح رہے کہ مذکورہ ٹینک سے ضلعی وسطی کے علاقوں بفرزون ،شادمان ٹاؤن ،گلشن اقبال کے مختلف بلاکس سمیت نصرت بھٹوکالونی تک پانی سپلائی کیاجاتا تھا ۔