چیئرمین بلدیہ غربی نے حیدر کرار امام بارگاہ کا دورہ کیا- محرم کیلئے کئے انتظامات پر اظہار اطمینان

کراچی (پ ر) بلدیہ غربی کی حدود میں موجود تمام امام بارگاہوں اور جلوس کی گزرگاہوں پر سہولیات کی فراہمی کیلئے علما کرام اور منتظمین کی تجاویزکی روشنی میں تمام کاموں کو ہنگامی بنیادوں پر مکمل کرنے کیلئے تمام وسائل کو بروئے کار لایا جارہا ہے۔ ان خیالات کا اظہار چیئرمین بلدیہ اظہار الدین احمد نے اراکین کونسل اور بلدیاتی افسران کے ہمراہ اورنگی ٹائون میں حیدرکرار امام بارگاہ میں بلدیہ غربی کی جانب سے کرائے گئے کاموں کا معائنہ کرتے ہوئے کیا۔ چیئرمین نے امام بارگاہ کے منتظمین سے ملاقات کی اور انتظامیہ کی جانب سے کرائے جانے والے کاموں پر ان کی رائے حاصل کی۔ منتظمین نے امام بارگاہ میں سی سی فورنگ اور روشنی کیلئے ہائی ماسک کی تنصیب پر اطمینان کا اظہار کیا۔