نیوکراچی سے معمرشخص کیتین روز پرانی تشدد زدہ لاش برآمد

کراچی (اسٹاف رپورٹر)نیوکراچی سے تشدد زدہ معمر شخص کی تین روز پرانی لاش ملی ۔ تفصیلات کے مطابق مدینہ کالونی سے متصل حاجی مسلم کالونی میں گھر سے تعفن اٹھنے پر علاقہ مکینوں نے پولیس کو اطلاع دی جس پر پولیس نے کارروائی کرتے ہوئے گھر سے 65سالہ ہاشم ولد سومار کی3 روز پرانی لاش برآمد کرلی ۔ ایس ایچ او اقبال حسین نے بتایا کہ ہاشم گھر میں اکیلا رہتا تھا اور بھیک مانگ کر گزر بسر کرتا تھا،اس کی لاش کمرے میں پڑی تھی،جب کہ جسم پر تشدد کے نشانات ہیں ۔ کارروائی کے بعد لاش سرد خانے میں رکھواکر معاملہ کی تحقیقات شروع کردیں ہیں ۔