کردار حسینیؓ میں انسانیت کیلئے رہنمائی ہے- ذکی باقری- شہنشاہ نقوی

کراچی (پ ر) محفل مرتضیٰ پی ای سی ایچ سوسائٹی میں عشرہ محرم کی مجلس سے خطاب کے دوران مولانا ذکی باقری نے کہا کہ افکار و کردار حسینیؓ میں انسانیت کیلئے رہنمائی موجود ہے۔ آج بھی مسلمان اور پوری دنیا میں بسنے والے انسان مشکلات و پریشانیوں سے نجات کیلئے اسوۃ حسنہؓ پر عمل کریں۔ انہوں نے کہا کہ حضرت حسینؓ اور ان کے ساتھیوں نے اپنی جانوں کو قربان کرکے اسلامی اصولوں اور افکار کو سر بلند کیا۔ مولانا شہنشاہ حسین نقوی نے کہا ہے کہ امام حسینؓ نے رب کی رضا اور خوشنودی کیلئے اپنا سب کچھ قربان کیا۔ انہوں نے نشتر پارک میں عشرہ محرم کی مجلس میں کہا کہ اسلامی اصولوں کو پامال کرنیوالوں کیخلاف جانا اسوۃ حسینیؓ ہے۔