جسمم کے دہشت گرد۔ٹارگٹ کلر سمیت 45 ملزم گرفتار

کراچی(اسٹاف رپورٹر)رینجرز اور پولیس نے جسمم کے دہشت گرد، ایک ٹارگٹ کلر سمیت 45 ملزمان کو گرفتار کرلیا۔ملزمان اسلحہ اور بھاری مقدار میں منشیات برآمد ہوئی۔تفصیلات کے مطابق رینجرز نے شارع فیصل کے علاقے سے 11 ملزمان عدنان حسین عرف ادو ، شہاب رزاق ، نور محمد ، شیخ عمر ، اختر ، اعلی نظر ، بن گل ، خدائے نظر ، ظریف ، برات اور عبدالولی کو گرفتار کرلیا۔ملزم عدنان حسین عرف ادو ٹارگٹ کلنگ میں ملوث ہے۔ڈیفنس پولیس نے ملزم دلدار عرف وحشی کو گرفتار کرکے دستی بم ،ایم پی فائیو رائفل، پستول اور موٹر سائیکل برآمد کرلی۔ایس ایس پی عمر شاہد حامد نے کہا کہ ملزم کا تعلق جئے سندھ متحدہ محاذ سے ہے۔ملزم پولیس افسران کی ریکی کرکے ٹاگٹ کلنگ میں ملوث ہے۔ملزم دہشت گردی کی وارداتوں میں بھی ملوث ہے ۔ پولیس کا کہنا ہے کہ ملزم کے گروہ کا نظریہ سی پیک اور پاک چین دوستی کے خلاف ہے۔ملزم 2014 سے پارٹی میں شامل ہے۔اس نے 4 بال بم تیار کیے تھے اور شفیع محمد برفت کے حکم پر بال بم زمہ زمہ ڈیفنس ، سمامہ شاپنگ سینٹر گلشن جوہر ، صدر اور صفورا چورنگی پر پھینکے تھے۔آرام باغ پولیس نے 2 ملزمان ناظر حسین ، اکبر ، پاک کالونی پو لیس نے 3 ملزمان ذیشان،راحیل ، شعیب ،عزیز بھٹی پولیس نے 2 منشیات فروش انیل ، آصف،رینجرز نے موٹرسائیکل چور محمد ارشد شیخ عرف کے ٹو، گڈاپ سٹی پولیس نے منشیات فروش بابا جان، اورنگی پولیس نے منشیات فروش ایوب، شارع فیصل پولیس نے 3 ملزمان شہاب،رزاق ، عدنان حسین ،کورنگی صنعتی ایریا پولیس نے 3 ملزمان زاہد، شاہ محمد، محمد حسین، پی آئی بی کالونی پولیس نے منشیات فروش عباس مسیح ، ابراہیم حیدری پولیس نے نجی ٹی وی کے عملے سے لوٹ مار میں ملوث 5 ملزمان خرم، امروز، یاسر، اظہر علی ، فیصل ،جمشید کوارٹر پولیس نے صحافی سے لوٹ مار کرنے والے 2 ملزمان فیضان، امجد ، بن قاسم پولیس نے 4 ملزمان گل حسن ، بلال بشیر ، فضل داد، محمد عالم ، سعود آباد پولیس نے 2 منشیات فروش طارق ، کامران ، کورنگی پولیس نے 2 منشیات فروشوں نور اسلام ، صادق اور لانڈھی پولیس نے منشیات فروش جاوید کو گرفتار کرلیا۔