آئی سی سی ویمن چیمپئن شپ کا پہلا میچ آج ہوگا

برج ٹائون(امت نیوز) آئی سی سی ویمن کرکٹ چیمپئن شپ کے سلسلے میں ویسٹ انڈیز اور جنوبی افریقہ کی ٹیموں کے درمیان تین ایک روزہ بین الاقوامی میچوں پر مشتمل سیریز کا پہلا میچ (آج) کھیلا جائے گا۔ جنوبی افریقن ویمن ٹیم میزبان ٹیم کے خلاف سیریز کھیلنے کیلئے پہلے ہی کیریبین پہنچ چکی ہے، دونوں ٹیموں کے درمیان پہلا ون ڈے آج اتوار کو کھیلا جائے گا، دونوں ٹیموں کے درمیان دوسرا ون ڈے 19 ستمبر جبکہ تیسرا اور آخری ون ڈے 22 ستمبر کو کھیلا جائے گا۔ واضح رہے کہ آئی سی سی ویمن چیمپئن شپ میں نیوزی لینڈ کی ٹیم 9 میں سے 6 فتوحات کے ساتھ پوائنٹس ٹیبل پر سرفہرست ہے۔