پی ایس پی کارکن- 4موٹرسائیکل لفٹر سمیت 24ملزم گرفتار

کراچی (اسٹاف رپورٹر) قانون نافذ کرنے والے ادارے اور پولیس نے شہر کے مختلف علاقوں میں کارروائی کرتے ہو ئے پی ایس پی کے سابق ٹاؤن انچارج اور 4 موٹر سائیکل لفٹرز سمیت 24 ملزمان کو گرفتار کرکے اسلحہ، مسروقہ موٹر سائیکلیں اور منشیات برآمد کرلی۔ پولیس نے کارروائی کے دوران لانڈھی سے پی ایس پی کے سابق ٹاؤن انچارج وسیم میاں کو گرفتار کر لیا،مطابق اینٹی کار لفٹنگ سیل نے اورنگی ٹاؤن میں 2 ملزمان حسنین حسین اور عبدالرحمان کو گرفتار کر کے ان کی نشاندہی پر 4مسروقہ موٹر سائیکل برآمد کرلیں ،بوٹ بیسن پولیس نے دو ملزمان شیر نواز اور یوسف خان کو گرفتار کر کے انکے قبضے سے اسلحہ اور منشیات برآمد کر لی۔ محمود آباد پولیس نے لوٹ مار کرکے فرار ہونے والے ایک ملزم وقاص کو مقابلے کے بعد زخمی حالت میں گرفتار کر کے اسلحہ برآمد کرلیا۔گلبہار پولیس نے 2منشیات فروش حارث اور اویس کو اورنگی ٹاؤن پولیس نے موٹر سائیکل لفٹر 2کارندوں عبداللہ اور حیدر کو ،پاک کالونی پولیس نے اسٹریٹ کرائم میں ملوث 3ملزمان شعیب ،راحیل اور ذیشان کو،جیکسن پولیس نے 2منشیات فروشوں خرم شہزاد ،حارث اور اسٹریٹ کرمنل شہزاد کو ڈاکس پولیس نے اسٹریٹ کرمنل جلال الدین کو جوہرآباد پولیس نے مفرور ملزم شہزاد احمد کو سولجر بازار پولیس نے 2مفرور ملزمان سلیم اور بلال کے ساتھ گٹکا مافیا کے 2کارندوں دانیال اور عارف کو ،شرافی گوٹھ پولیس نے منشیات فروش عزیز الرحمن کو اور بلوچ کالونی پولیس نے اسٹریٹ کرمنل وقاص زاہد کو گلشن اقبال پولیس نے اسٹریٹ کرمنل لطیف کو گرفتار کر کے اسلحہ برآمد کرلیا۔